په الاقصی جومات کې د څه دپاسه ۵۰ زره فلسطینیانو په شتون سره د جمعې لمونځ ادا شو.
ایکنانیوز د صفا خبری آژانس له قوله راپور راکړ،په نیواکي قدس کې او د الاقصی جومات په شاوخوا کې د وحشی صهیونیسټي رژیم له ډيرو سختو امنیتی تدبیرونو سره سره په لسګونو زره فلسطنیانو په دغه مقدس جومات کې لمونځ قایم کړ.
د بیت المقدس د اوقافو ادارې راپور ورکړی، چې د جمعې لمونځ او د غزې تړانګې،لویدیځي غاړې او د لبنان د شهیدانو د ارواحو د ثواب لپاره غیابی لمونځ څه دپاسه پنځوسو زرو کسانو له خوا ادا شو.
په الاقصی جومات کې د جمعې لمونځ په داسې شرائطو کې ترسره شو چې نیواکګر پوځیان دالاقصی حومات او پخواني ښار په شاوخوا او د ښار په واټونو کې وسپنیز بریکر او بلاکونه کیښودلي وو او د لمونځ کونکو هویّتونه ئې ارزول.
د صهیونیسټي رژيم نیواکګر پوخيانو د جمعې لمانځه د قایمولو لپاره الاقصی جومات ته د سلګونو ځوانانو د تلو مخه ونیوله . دوي همداراز یو فلسطینی ځوان په باب الاسباط کې په غزالي چوک کې ونیو او هغه ئې تر یوه حده شکنجه کړ.
د جمعې لمانځه خطیب شیخ محمد سلیم د لمانځه په خطبو کې پر عربو او مسلمانو واکوالانو باندې د فلسطین مسئلې ته د بې توجهئ او له لویدیځه د دوي د پيروئ په دلیل سختې نیوکې وکړې.
شیخ سلیم همداراز پرمسلمانانو باندې هم د اسرائیلو د تیریو د دوام په شرائطو کې چې څه دپاسه یو کال ئې کیږی، د غزې تړانګې دمظلومو او بې څوکه خلکو سره د مرستو د نه کولو په دلیل سختې نیوکې وکړې.
هغه ووئيل، ګواکې دغزې لویه غمیزه په مریخ او میاشت کې پيښه شوې ده چې اسلامی هیوادونه ئې نه ویني او د مظلومو فلسطنیانو چغې نه آوري او ورته اهمیّت نه ورکوي.
هغه روښانه کړه،داسې بریښي د اسلامی هیوادونو واکوالان د خپلو جشنوارو او د فوټبال لوبو په لیدو بوخت دي چې د دوي لپاره له بیت المقدسه اوالاقصی جوماته او دملت له مسئلو لازیات ارزښتمنې دي.
د یادولو ده چې د ۲۰۲۳کال په اکتوبر کې په غزې تړانګې کې د صهیونیسټ رژيم د نسل وژنې د جنګ له پیلیدا وخت راهسې،ددغه وحشي اونیواکګررژیم پوځیانو د الاقصی حومات په دروازو کې او دغه راز د قدس پخواني ښآر په شاوخوا کې خپل ډیر سخت امنیتی تدبیرونه نوره هم سخت اوزیات کړي دي.
https://iqna.ir/fa/news/4251186
